تكنولوجيا

كارلوس غصن
أسرار و ألغاز رجل صناعات السيارات الخطير

"نحن على وشك التحول العالمي. كل ما نحتاجه هو الأزمة الكبرى الصحيحة وستقبل الدول النظام العالمي الجديد " ديفيد روكفيللير

هذه المقالة تٌعتبر مدخل او تمهيد للحديث عن موضوع مثير و هو البيتكوين و لان الموضوع ليس مجرد الكلام عن عملة إلكترونية مشفرة و حسب ، أنما هو موضوع كبير و يتعلق بالمستقبل الذي اصبح قاب قوسين او ادني، فعليكم ان تعلموا ان هذه المقدمة او التمهيد اهم من موضوع البيتكوين ذاته ، فرجاء الصبر و التركيز في هذا الموضوع. و سأبدأ هذه المقالة او هذا التمهيد بخمس سطور أو مصطلحات انجليزية هي اجابة لكل سؤال سيمر بخاطركم و انتم تقرأون هذا البوست، و هي كالتالي رجاء أن فهمت هذه السطور الا تربط ما سيأتي في هطه المقالة بنظرية المؤامرة و ان تنتظر و تصبر قليلاً و لا تتعجل في اصدار احكامك قبل ان حتي تنتهي من قراءة هذه السلسلة من المقالات

ظهر مصطلح "النظام العالمي الجديد" لأول مرة في يناير ١٩١٨ حيث كان أحد أكثر الاستخدامات شيوعاً للمصطلح في المبادئ الأربعة عشر للرئيس الأمريكي وودرو ويلسون، وفي دعوات لإنشاء عصبة الأمم خلال أعقاب الحرب العالمية الأولى. كما استخدم المصطلح إلى حد قليل عند وصف خطط الأمم المتحدة ونظام بريتون وودز بعد نهاية الحرب العالمية الثانية، ولكن تضاؤل استخدام المصطلح بسبب مدلولاته السلبية التي ارتبطت بفشل عصبة الأمم في منع قيام حرب ثانية. ولكن بقي العديد من المعلقين يستخدمونه في سياق رجعي للإشارة إلى النظام الذي قامت دول الحلفاء المنتصرة في الحرب العالمية الثانية بإرسائه بعد انتهاء الحرب. ثم بدأنا نسمع عن مصطلح "النظام العالمي الجديد" مرة أخري في اواخر الثمنينيات و بدأية التسعينيات و مع وصول جورج بوش الأب الي الحكم وسقوط الاتحاد السوفياتي. ففي خطاباً وجهه إلى الأمة الأمريكية بمناسبة إرسال القوات الأمريكية إلى الخليج «بعد أسبوع واحد من نشوب الأزمة في أغسطس 1990» وفي معرض حديثه عن هذا القرار، تحدث عن فكرة «عصر جديد»، و«حقبة للحرية»، و«زمن للسلام لكل الشعوب». و بعد ذلك بأقل من شهر و تحديداً في «11 سبتمبر 1990»، أشار إلى إقامة «نظام عالمي جديد» يكون متحرراً من الإرهاب، فعالاً في البحث عن العدل، وأكثر أمناً في طلب السلام؛ عصر تستطيع فيهِ كل أمم العالم غرباً وشرقاً وشمالاً وجنوباً، أن تنعم بالرخاء وتعيش في تناغم فيما بينها. و فجأة و بعد وصول ابنه جورج بوش الأبن الي الحكم و بعد احداث ١١ سبتمبر انتشر هذا المصطلح انتشار النار في الهشيم ، و للاسف قام البعض بالافراط في استخدامه في اطروحتهم و مناقشاتهم حتي بات المصطلح ركيكاً و لا يثير فزع او حتي فضول الناس. و قبل ان نعرف ما هو النظام العالمي الجديد كان يجب علينا ان نسأل و ما هو النظام العالمي القديم؟ و ان كان هناك نظام قديم و نظام جديد، فهل هناك انظمة اخري؟ ما عددها؟ و ما هي تعريفتها؟

المقصود بمصطلح النظام العالمي هو النظام اللي بيغلب علي العالم في مرحلة زمنية معينة و جوهر هذا النظام العالمي هو مجموعة القوانين والقيم الكامنة التي تفسر حركة هذا النظام وسلوك القائمين وأولوياتهم واختياراتهم وتوقعاتهم. و لذلك فإن من يتفوق فيه هو اللي بيحكم و يسطير علي العالم و في التاريخ مر العالم باربع انظمة و نحن الآن من المفترض ان نكون قد دخلنا النظام العالمي الخامس الذي يشار إليه بمصطلح النظام العالمي الجديد، و قد كانت الانظمة العالمية الأربعة كالتالي:

١- النظام الزراعي
و ده كان اول و اقدم الانظمة و يعتبر هو بدأية انشاء الدولة بمفهومها الحديث، يعني مثلاً قبل وجود النظام ده الناس او البشر كانوا بيعتمدوا علي رعي الحيوانات اللي استئانسوها و اكل الثمار اللي يلاقوها، فاذا جفت المراعي و قلت الثمار انتقلوا لمكان اخر و هكذا بلا استقرار، و طالما مفيش استقرار يبقي مفيش دولة و مجتمع بمفهومنا دلوقتي، لحد م في يوم من الايام قرر بعض الناس الاستقرار علي ضفاف وادي النيل بعد ان اكتشفوا إمكانية زراعة المحاصيل اللي محتاجينها للحيوانات و لاكلهم هم انفسهم، فلما اقموا و تجمعوا بجوار بعضهم البعض ظهرت الحاجة الي تكوين مجتمع واصدار قوانين اللي تحكم المجتمع ده فظهرت الدولة اللي اتبلورت و بقيت كيان موحد، فلما بقي الكيان ده موجود، اصبح قوة و شئ يجذب الناس من اي مكان في الارض انهم يروحوا و يسعوا اليه، امتي بقي الكلام ده ؟؟ ده تقريباً كده من ١٢ الف سنة قبل الميلاد علي الاقل، و من هنا بقيت مصر القوة العظمي اللي تحكم العالم لان الدولة تطورت بسرعة و بقي عندها جيش و اختراعات و طب و هندسة و حاجات كتيرة اواي، طب اومالك ايه حكاية ال ٧٠٠٠ سنة حضارة ديه؟ لا متخدشي في بالك حضرتك ده جهل علي متعودين عليه، بص هم بالظبط بالظبط ٥١٦٦ سنة. الله م انت لسه قايل ١٢٠٠٠ سنة قبل الميلاد، لا ده تاريخ بدأية اول نظام عالمي، انما العلماء كلها قرروا ان بدأية التأريخ للحضارة الفرعونية هو من بدأية عصر الأُسر الحاكمة. مصر بعد تدشينها لاول نظام عالمي و بعد ما بقيت دولة كبيرة حصل نزاع فيها انتهي بتقسيمها الي مملكتين، مملكة شمالية و مملكة جنوبية لغاية م جاء عمونا مينا -الله ينور عليك، هو مينا موحد القطرين- سنة ٣١٥٠ قبل الميلاد و راح عمل زاي م انت قلت كده ووحد القطرين، و من هنا بدأت حضارة الفراعنة و الأسرة الأولي بس هو كان بالطبع فيه حضارة من قبلها ترجع لل١٢ الف سنة قبل الميلاد اللي اتكلمنا عليها

٢- النظام التجاري
ده بقي النظام العالمي الثاني، و ده بقي ظهر لما مجموعات بشرية تانية قررت انها تعمل مجتمعات زراعية زايينا كده علشان ميبقاش في حد احسن من حد، بس هم لاحظوا ان الموقع الجغرافي و اختلاف المناخ بيخلي الزراعات تختلف و من هنا بأت فكرة التجارة، فبدأت الدول ديه تحاول تعمل تبادل تجاري مع الدولة الاخري و خصوصاً مصر، الموضوع اتطور مع الوقت و اصبحت الدول ديه بتبني اساطيل تجارية و بدأت التجارة تكبر و تكبر و اصبح اللي يملك اساطيل تجارية كبيرة و يملك السوق مع مراعاة وجود قوي عسكرية كبيرة هو اللي بيحكم العالالم و بيسيطر علي نظامه العالمي اللي هو بقي نظام تجاري في المقام الاول بعد ما كان زراعي، و هنا بقي ظهر الفنيقيين و اليونانين و كده......و للأسف مصر وقفت و جمدت عند لنظام ده حتي يومنا هذا " تخيلوا لو فيالرنالواحد و عرينه بتقسم أعضاء رلمانها لفلاحين وعمال و فئات! هههههه، بالرغم ان مصر مرت عليها كل أنظمة العالمية ديه في تاريخها ذاته، وده موضوع عاوز بوست لوحده

٣- النظام الديني
نمو المجتمعات ديه و تأصل الاستقرار في المجتمعات الزراعية أدئ الي ظهور الاديان و طبعاً كانت مصر القديمة متقدمة في الموضوع ده و ده لشغف المصريين بسبب استقرارهم و ارتباطهم بالارض و النيل بما بعد الموت و الاخرة و الحساب -ده سبب مقولة شعب متدين بطبعه و هو فعلاً شعب متدين بطبعه و في جيناته و للأسف بعض المرتزقة دي علينا الكلمة ديه و احنا زاي الببغاوات نرددها بدون فهم انا حقيقة- النظام الجديد ده أنتشر بسرعة الي فلسطين و العراق و ارض العرب، و اصبح ضرورة وجود هوية دينية او شخصية دينية للدرولة ضرورة علشان تبقي جزء من النظام العالمي، الموضوع اتطور جامد بظهور اليهودية ثم المسيحية و تنصر الدولة الرومانية -وفي قولاً اخر ترمنت الديانة المسيحية- و كان الحدث ده هو الحدث اللي قلب العالم لان الرومان كانوا متعصبيين بطبعهم فلما تنصروا كانوا عاوزيين يفرضوا العقيدة ديه -اللي هي ما تُعرف بالكاثولوكية- كنظام مهيمن علي العالم و طبعاً قتلوا الملايين بسبب ده و غرقت الارض في بحار من الدماء بسبب الرغبة ديه و اكثر من عاني من ده هو مصر، اللي الرومان -من قبل و بعد دخولهم في المسيحية- دمروا كل ارتباط للمصريين بحضارتهم القديمة حتي اللغة نفسها تم نسفها من العقل المصري، ثم ظهر الاسلام و ضرب الفرس المجوس بديانتهم الوثانية و ادب الرومان بديانتهم العنيفة و حرر مصر من ظلمهم و فضل الصراع و الحروب الدينية علي فرض دين الامة الاقوي علي البشرية طوال فترة النظام العالمي الثالث الديني حتي ظهر النظام العالمي الرابع

٤- النظام الصناعي
مع قيام الثورة الصناعية في اوروبا ، اصبح من الواضح كده دخول العالم تحت هيمنة نظام عالمي جديد و هو نظام الدولة او الامة اللي تملك المصانع الاكبر و الاضخم و الاكثر انتاجاً، طبعاً في ده برزت انجلترا و فرنسا و المانيا طبعاً ثم امريكا و روسيا بعد ثورة البلاشفة ١٩١٧، و طبعاً الثورة الصناعية ديه قلبت الدنيا كلها ، و كانت من اسباب كفر الناس بالله و بالقيم و ظهور الرأسمالية و استعباد الناس في المصانع ، ثم ظهرت الشيوعية و سيطرة الدولة علي كل مفاصل الدولة و المواطن نفسه ،و ظهور الحركتين دونا كان و يلا العجب تبلور بعد اقل من اربع او خمس سنوات من عقد الاتفاق المقدس و اللي أتفقت عليه الأسر الأربعة الكبري لحكم العالم و بلغ جنون العالم في النظام ده مبلغه لما قامت الحرب العالمية الاولي ثم الثانية اللي اتقتل فيهم الملايين من البشر و ضاعت فيها امم كاملة ،و تم فناء بعض الأسر ديه فناء كامل بالذبح و القتل و بانتهاء الحرب الثانية بكل م اخلفته من دمار و خراب و تحطيم للانسان بدأت الحرب الباردة بين امريكا و روسيا اللي كانوا بيتصارعوا علي السيطرة علي العالم كممثاليين لنظامين سياسيين مختلفين الرأسمالي و الشيوعي طبعاً ، و طبعاً كان النظامين دونا جزء من النظام العالمي السائد اللي هو الصناعي، الصراع البارد ده ادئ الي تطور الصناعة و دخولها لمجالات جديدة عرفت بأسماء التكنولوجيا، و من التطور التكنولوجي ده اتولد النظام الجديد اللي احنا عايشيين في اوائل سنواته اللي ربنا يستر منها بقي

٥- النظام العالمي التنكولوجي و المعلومات
شايف اللي انا بكتبه ده؟؟؟ أهو ده بقي انعكاس للنظام ده.....النظام ده كبير اواي و معقد اواي زاي الكتب و الدراسات الكتيرة اواي اللي قرأتها في حياتي علشان اكتب لحضرتك البوست ده.....باختصار كده النظام ده عبارة عن المعلومة و امتلاكها.....اللي يمتلك المعلومات the informations و يمتلك الأتصال the communication هو اللي هيسود العالم.....و طبعاً ده اللي بتعمله امريكا.....آه امريكا خلاص حسمت الموضوع لنفسها و علشان كده امريكا تدفع الملايين علشان تاخد واحد زاي وصولي احمد زويل و غيره و تعمل عملية تجريف للشعوب علشان تمتلك هي النظام العالمي الجديد ده......بس سبحان الله ربنا دايماً عامل ميزان و بيحط التاتش بتاعه في الاخر، امريكا تطلع لها دولة كانت متخلفة و في تعداد الامم الزومبي اسمها الصين و تخلي امريكا تلف حوالين نفسها،،،،،،،ده غير مجموعات من الافراد من جنسيات مختلفة فيهم الهندي و الانجليزي و الجزائري و المصري و غيرهم من جنسيات تانية منهم امريكان ذات أنفسهم خلوا ليل أمريكا نهار و نهارها ليل ....ازاي؟ لا ده بقي موضوع كبيرة اواي و حمادة تاني خلاص، خلينا في حمادة ده

لمشاركة المقالة علي صفحتك في الفيسبوك، اضغط علي كلمة شير

التعليقات

مواضيع ذات صلة