فن و ثقافة

قراءة في كتاب: جيل الواي للمبتدئين
Generation Y for rookies

يعتبر يوسف السباعي افضل من كتب القصة القصيرة في مصر و العالم العربي و حتي في مجال الرواية فله ابداعته و يكفيه رواية "نحن لا نزرع الشوك" التي تعتبر واحدة من افضل الروايات العربية! و لكن اكثر ما يعجبني في أدب يوسف السباعي هو انه بالاضافة القدرة علي الغوص في اعماق الشخصيات التي يقدمها لنا، فأنه عنده القدرة علي الخروج من المحلية الي العالمية و وضع احداث قصته في أماكن و ازمنة و ثقافات مختلفة و دائماً تعرض قصصه و رواياته لقضايا كبيرة و مهمة منها قضية احتيال الرجل الأبيض المستعمر علي السكان الأصليين لامريكا و منها هذه القصة .......... أضغط هنا لقراءة المزيد عن يوسف السباعي

جيل الواي

الحمد لله انهيت من قراءة هذا الكتاب القيم اللي بدأت اقرأه من يوم السبت بالرغم إني عندي الكتاب بقاله اكتر من سنة و مكنتش عارف القي وقت علشان ادخله ضمن القراءات بتاعتي! الكتاب ده مهم جداً جداً جداً و ممكن اكمل جداً ديه لحد اخر الپوست الكتاب مهم لك لو انت أب/أم او مدرس/مدرسة أو ناوي تكمل معانا علي الكوكب ده و يهمك جداً الاجيال الجديدة! الكتاب بعنوان أو بالعربية "جيل الواي للمبتدئين" و جيل الواي المقصود بها جيل الألفية و اللي لقبهم بقي هو جيل الواي ) أنما المصطلح بُيستخدم لوصف الفئات السكانية التي تتكون من الأشخاص الذين ولدوا في الحقبة بين منتصف الثمانينيات كأقصى حد إلى منتصف التسعينات. و الواي تعني إيضاً الفترة ما بين منتصف التسعينات و حتى منتصف الألفية الثانية (يعني من ١٩٩٥ الي ٢٠٥٠) و قد تم اعتماد هذه التسمية (جيل الواي او جيل الألفية) علي كل من ولد و سيولد في هذه الفترة. و لان الشئ بالشئ يذكر فأنني و الاصدقاء الذين ولدوا قبل هذا التاريخ لنا تسمية أُخري و هي "الجيل إكس" بالانجليزية و التسمية او المصطلح ده يشير إلى الفئات التي ولدت في الفترة ما بين أوائل الستينات إلى أوائل الثمانينات ) و بيسمعونا برضه الجيل العاشر و كمان بيسموا اللي يتولد في الجيل بتاعنا ده بأسم "طفل الطفرة " و ده بسبب الرفاهية اللي بدأت بعد الحرب. الجيل اللي قبلنا بقي اسمه الجيل البيبيهات المُفجرة و ده بسبب اننا بعد أنتهاء الحرب العالمية الثانية بدأ يحصل حالة تزايد عدد المواليد بشكل رهيب فطبعا الجيل ده هو من ولد في الفترة من ١٩٤٦ الي ١٩٦٤، اما كل ما قبل ذلك يعني من بدأية الخليقة حتي عام ١٩٤٥ فيطلق عليهم لقب الاجيال التقليدية

سبب اهمية هذا الكتاب هذا الكتاب يعتبر مرجعية كاملة مبنية علي دراسات علمية تشرح كيف يفكر جيل الواي لأنه جيل معقد جداً و لم يخرج جيل مثله علي مدار التاريخ و ده بسبب تطور التكنولوجيا الرهيب و كمان التطورات الاجتماعية اللي بتحصل في العالم كله و التي ستكون بالنسبة لهذا الجيل من المسلمات (موضوع الشذوذ علي سبيل المثال) الكتاب عشر فصول غير المقدم، اول فصل بيعرفك ازاي تفهم جيل الواي و بيشرح لك فيه ليه الجيل ده مختلف خالص عن كل اجيال البشرية. في الفصل الثاني بيقدم لك دليل عن كيفية التواصل مع جيل الواي. في الفصل الثالث بيقدم لك دليل عن ازاي تقدر تجذب انتباه جيل الواي و توظف ده في توجيههم. الفصل الرابع بيتكلم عن طرق التحفيز و المشاركة اللي ممكن تطبقها علي جيل الواي. الفصل الخامس بيتكلم عن ادارة جيل الواي. الفصل السادس من اهم ما يمكن لانه بيتكلم عن كيف تقوم بتطوير جيل الواي و مساعدتهم علي التعلم و بناء ثقافتهم السليمة) الفصل السابع بيتكلم عن كيف تستطيع مساعدة في تطوير ذاتهم من ناحية الحياة المهنية او الكارير يعني. الفصل الثامن دليل عن كيف تستطيع ان تبني فريق منسجم و ناجح و مؤثر من خليط من جيل الواي و الاجيال الاخري الاقدم او الاكبر. الفصل التاسع عن كيفية تلبية النداء الاستهلاكي عند جيل الواي. الفصل العاشر و الاخير يتحدث عن المستقبل و كيف انك ستكون بحاجة لتتفاعل مع التغيرات التي ستحدث للعالم و البشرية. في اخر الكتاب فيه مُلحق عبارة عن تشكليست او قوائم مراجعة فيه اسئلة شاملة ممكن تطبعها و تخليها معك علشان تراجع دول الوقت انك بتطبق اللي اتعلمته من الكتاب مع جيل الواي و لا لا

. الكتاب فعلاً مُمتع و مهم جداً زاي ما قلت لكم، انا من قرأته قدرت أفهم ازاي واحد زفت زاي وائل غنيم بيلعب دور خطير جداًو بيطبق اللي في الكتاب ده في التأثير الجيل الصغير و ازاي ان احنا فاشلين جداً و بنخسرهم، الجيل ده مش هيسمع لاحمد موسي و لا عمرو اديب و لا الجوادي و لا كل المعاتيه الكبار ، مفيش حد ناجح في التواصل غير وائل غنيم و عمرو دياب وخد عندك اغنيته يوم التلات مثال علي ازاي هو وسخ في طريقة تواصله مع جيل الواي! لو شايفين الموضوع مهم بالنسبة لكم ممكن ابقي اكتب لكم بشكل اعمق من الكتاب و اترجمه لكم! ايه رأيكم؟

لمشاركة المقالة علي صفحتك في الفيسبوك، اضغط علي كلمة شير

التعليقات

مواضيع ذات صلة